Cosaint sonraí pearsanta

Déantar na sonraí pearsanta uile arna mbailiú ag an Lárionad Eorpach um Fhorbairt na Gairmoiliúna (Cedefop) a phróiseáil i gcomhréir le forálacha Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE.

Mar phrionsabal ginearálta, ní dhéanann Cedefop sonraí pearsanta a phróiseáil ach amháin i ndáil le cúraimí a chur i gcrích a dhéantar ar mhaithe le leas an phobail ar bhonn na gConarthaí lena mbunaítear na Comhphobail Eorpacha, Rialachán (AE) 2019/128 an 16 Eanáir 2019 lena mbunaítear Lárionad Eorpach um Fhorbairt na Gairmoiliúna nó i bhfeidhmiú dlisteanach údaráis oifigiúil atá dílsithe do Cedefop nó do thríú páirtí dá nochtar na sonraí.

Cuirtear gach oibríocht próiseála sonraí pearsanta in iúl go cuí d’Oifigeach Cosanta Sonraí Cedefop agus, de réir mar a bheidh, don Mhaoirseoir Eorpach ar Chosaint Sonraí.

Cearta na ndaoine is ábhar do na sonraí

Tá cearta áirithe faoi Rialachán (AE) 2018/1725 ag daoine is ábhar do na sonraí, i.e. na daoine nádúrtha a ndéantar a sonraí pearsanta a phróiseáil. Go háirithe, tugtar na cearta seo a leanas do na daoine is ábhar do na sonraí (faoi Airteagail 16 go 24 den Rialachán):

• An ceart faisnéis a fháil maidir le haon phróiseáil a dhéantar ar a gcuid sonraí pearsanta, lena n-áirítear faisnéis faoin rialaitheoir (atá i gceannas ar an bpróiseáil), an cuspóir agus an bunús dlí, na cineálacha sonraí atá á bpróiseáil, faighteoirí sonraí, teorainneacha ama don phróiseáil, chomh maith le haistrithe féideartha sonraí pearsanta go tríú tíortha;
• Ceart rochtana ar shonraí pearsanta an duine, lena n-áirítear faisnéis maidir leis an gcuspóir atá leis na sonraí a phróiseáil, na cineálacha sonraí, faighteoirí sonraí, teorainneacha ama, chomh maith le sonraí pearsanta a aistriú chuig tríú tíortha;
• An ceart chun a shonraí pearsanta a réiteach (a chur i gceart) nuair atá siad míchruinn nó neamhiomlán;
• An ceart sonraí a scriosadh (“an ceart sonraí a ligean i ndearmad”) faoi imthosca áirithe (e.g. nuair nach bhfuil gá a thuilleadh leis na sonraí chun na críche ar bailíodh iad ina leith);
• An ceart chun próiseáil sonraí pearsanta a shrianadh faoi imthosca áirithe (e.g. nuair a chonspóidtear cruinneas na sonraí);
• An ceart cur i gcoinne próiseáil sonraí pearsanta in imthosca áirithe;
• Beidh sé de cheart ag an ábhar sonraí gan bheith faoi réir cinneadh a bhunaítear ar phróiseáil uathoibrithe amháin, lena n-áirítear próifíliú, ar cinneadh é a mbeadh éifeachtaí dlíthiúla aige don ábhar sonraí nó a mbeadh éifeacht shuntasach chomhchosúil aige air nó uirthi.

Srian ar chearta na ndaoine is ábhar do na sonraí

I gcásanna áirithe, de bhua Airteagal 25 de Rialachán (AE) 2018/1725 agus na Rialacha Inmheánacha a leagtar síos faoi Chinneadh 6/2020 ó Bhord Bainistíochta Cedefop, féadfar ceann amháin nó níos mó de chearta na ndaoine is ábhar do na sonraí a shrianadh ar feadh tréimhse sealadaí inter alia ar fhorais cionta coiriúla a chosc, a imscrúdú, a bhrath agus a ionchúiseamh nó ar fhorais eile is infheidhme (mar a leagtar síos sna Rialacha Inmheánacha).

Le haghaidh tuilleadh eolais, féach freisin le do thoil: Treoir ón MECS maidir le hAirteagal 25 de Rialachán (AE) 2018/1725

Féadfaidh daoine is ábhar do na sonraí, tráth ar bith, dul i gcomhairle le hOifigeach Cosanta Sonraí Cedefop nó dul ar iontaoibh an Mhaoirseora Eorpaigh ar Chosaint Sonraí.

Contact

Records register